HUMSS

 "The Best Strand"

Ako ay isa sa mga estudyante ng Humanities and Social Sciences Strand kaya natural lang na ipagmalaki ko ito dahil kaisa ako dito at ito ang strand na pinili ko.

Ang HUMSS Strand ay masasabi kong ang pinakamaganda dahil na rin sa koneksyon nito sa napakaraming kurso na mataas ngayon ang demand hindi lang sa Pilipinas kundi maging sa buong mundo.

Kung ikukumpara sa Science, Technology, Engineering and Mathematics Strand (STEM), Accountancy and Business Management Strand (ABM), Information and Communication Technology (ICT), Business Mangement (BM) at Health and Allied Sciences (HAS) ‘di hamak na nakalalamang ng kaunti ang HUMSS dahil sa strand na ito, mas magkakaroon ka ng pagkakataon na makasalamuha ang iba't ibang uri ng tao.

Kung ang gusto ay trabahong sandal sa gobyerno, talagang HUMSS ang makakapitan dahil ang kursong BSEd ay pasok. Alam naman natin, na lagi itong in demand hanggat may nag-aaral bukod pa sa katotohanang kulang na kulang tayo sa kaguruan.

Madami din tayong kababayan na gustong mag-artista at ‘di naman nalalayo dito ang Mass Communication kung saan pwede kang maging field reporter, o kaya ay news anchor. Kung ayaw ng MassCom. ay pasok din naman ang Fine Arts.

In-demand din ang mga psychologist dahil halos lahat ng industriya ay nangangailangan nito para sa kanilang Human Resource. At ang kursong AB Psychology ay pasok dito.

Balik tayo sa gobyerno, kung gustong maging opisyal sa mga tanggapan ay sobrang pasok ang HUMSS dahil konektado ito sa Public Administration. Kung ang gusto naman ay ang matupad ang pangarap na maging pulis at sundalo ay walang problema dahil pasok din dito ang Criminology.

‘Yung mga tao namang gustong ipagtanggol ang mga naaapi ay dapat lang na HUMSS ang piliin dahil pwede ito at applicable ito sa kursong political science.

Kung susumahin, lahat ng nasa itaas ay may malaking, sweldo na talaga namang mahalaga at kung sinasabi ng iba na ‘di malaki ay siguro naman ay sapat ang sweldo para makapamuhay nang maayos at walang isipin.

Sa kabuuan, sa dami ng kursong kaugnay sa HUMSS at sa taas ng demand nito masasabing ito talaga ang “Best” strand sa sarili nitong katangian, kagandahan, at higit sa lahat, bentahe.